Majdiel Husa është lënë në burg ditën e sotme, pasi akuzohet për fshehje krimi.
Burime për median bëjnë me dije se Gjykata e Tiranës ka caktuar ‘arrest me burg’ ndaj Husës pasi akuzohet se nuk tregoi për vdekjen e shokut të tij Elton Tahirit nga mbidoza, por e hodhi në përrua pasi e kishte mbajtur disa ditë në banesën e tij.
Kujtojmë se viktima ka ndërruar jetë nga mbidoza e kokainës dhe trupi i tij u gjet më 13 shkurt pranë përroit të Limuthit në Bërxullë, si dhe për herë të fundit u pa në banesën e Husës.
47-vjeçari është arrestuar pasi vendosi që të mos e kallëzonte ngjarjen në polici, por e hodhi në përrua.
Në dëshminë para hetuesve ka thënë se kishte frikë se mos akuzohej, ndaj e mbajti disa ditë në shtëpinë e tij në zonën e Laprakës dhe më pas e transportoi me makinë dhe e la në përroin e Limuthit.